Монголын чөлөөт бөхийн холбоо (МЧБХ) "Лос-Анжелес 2028" олимпын циклд бэлтгэх шигшээ багийн дасгалжуулагч, тамирчдын бүрэлдэхүүнийг албан ёсоор зарлалаа.
Шигшээ багийн бүрэлдэхүүн
Лос-Анжелесын олимпын мөчлөгт шигшээ баг долоон дасгалжуулагч, 33 тамирчны бүрэлдэхүүнтэйгээр бэлтгэл сургуулилалтаа хийхээр болжээ.
Эрэгтэйчүүдийн шигшээ баг
- Ахлах дасгалжуулагчаар ОУХМ Д.Гомбодорж томилогдсон.
- Туслах дасгалжуулагчаар Ж.Чулуунбат, Г.Амархүү нар ажиллана.
- Эрэгтэй багт нийт 14 тамирчин багтсан бөгөөд 10 нь Улсын аварга шалгаруулах тэмцээнд (УАШТ) түрүүлсэн тамирчид байна.
- Олимпын төрлийн жингийн хувьд УАШТ-ээс мөнгөн медаль хүртсэн тамирчдыг дасгалжуулагчдын саналаар шигшээд багтаажээ.
Эмэгтэйчүүдийн шигшээ баг
- Ахлах дасгалжуулагчаар ОУХМ С.Сүхбаатар томилогдсон.
- Туслах дасгалжуулагчаар Гавьяат тамирчин Б.Одончимэг, ОУХМ Ө.Ууганбаяр нар ажиллана.
- Эмэгтэй багт 13 тамирчин багтсан бөгөөд түүхэндээ анх удаа эмэгтэй дасгалжуулагчтай болсон нь онцлогтой.
Сонгомол бөхийн шигшээ баг
- Ахлах дасгалжуулагчаар ОУХМ С.Мөнхсүх томилогдсон.
- Шигшээ багт зургаан тамирчин багтжээ.
Ойрын тэмцээнүүд
Шинээр бүрэлдсэн шигшээ багийн тамирчид ирэх сарын 25-нд Йорданы Амман хотод болох насанд хүрэгчдийн Азийн аварга шалгаруулах тэмцээн (ААШТ)-д оролцоно.
- Эрэгтэй баг хамтарсан бэлтгэлд оролцохоор өнөөдөр Хөх хот руу мордсон бол
- Эмэгтэйчүүд Улаанбаатарт бэлтгэлээ үргэлжлүүлж байна.
Эх сурвалж: Монголын чөлөөт бөхийн холбоо
