Улаанбурханы өвчин дэгдэлт хэлбэрээр бүртгэгдэж буй Вьетнам улсад аялсан нэгэн иргэнээс улаанбурхан өвчний 3 дахь тохиолдол лабораториор батлагдлаа.
Тус иргэн 2025 оны 2 дугаар сарын 8-ны өдөр, шөнийн 1 цагт Вьетнамын Хо Ши Мин – Улаанбаатар чиглэлийн МИАТ компанийн OM712 нислэгээр ирсэн байна.
ХӨСҮТ-өөс сэрэмжлүүлж байна
Тус нислэгээр ирсэн зорчигчид дараах шинж тэмдэг илэрвэл нэн даруй эмнэлгийн байгууллагад хандахыг зөвлөж байна:
- Халуурах
- Тууралт гарах
- Ханиалгах
- Нус гоожих
- Нүд үрэвсэх
Шинж тэмдэг илэрсэн тохиолдолд:
- ХӨСҮТ-ийн 89016199 дугаарын утсаар холбогдох
- ХӨСҮТ-ийн хүлээн авах, яаралтай тусламжийн тасгийн 1 болон 2 дугаар өрөөнд үзлэг, шинжилгээнд хамрагдах
Халдварыг хяналтанд авахын тулд хамтран ажиллахыг уриалж байна
ХӨСҮТ-өөс улаанбурханы халдварыг цаг алдалгүй илрүүлж, 72 цагийн дотор голомтын хариу арга хэмжээ авах нь тархалтаас урьдчилан сэргийлэх чухал хүчин зүйл болохыг анхаарууллаа.
Иймд ХӨСҮТ-өөс холбогдсон тохиолдолд үнэн зөв мэдээлэл өгч, хамтран ажиллахыг иргэдэд уриалж байна.
Эх сурвалж: ХӨСҮТ
