Монголын үндэсний бөхийн холбоо, Монголын хүүхдийн ордон хамтран XVII жарны “Элдэв эрдэнэт” хэмээх модон могой жилийн сар шинийн баярт зориулсан өсвөрийн бөхийн барилдааныг гурван насны ангиллаар зохион байгууллаа.
11-12 насны ангилал:
Энэ насны 64 бөхөөс Өмнөговь аймгийн Цогтцэций сумын харьяат А.Алтан-Эрдэнэ түрүүлж, Ховд аймгийн Зэрэг сумын харьяат, нийслэлийн 118-р сургуулийн бөх Б.Өсөх-Ирээдүй үзүүрлэлээ. Шөвгийн дөрөвт Монголын хүүхдийн ордны өсвөрийн бөх С.Тэнүүн, Өмнөговь аймгийн Номгон сумын харьяат Б.Чулуун нар шалгарсан байна.
- Уран барилдааны шагнал: Монголын хүүхдийн ордны бөх С.Тэнүүн
- Уран гараа дэвээтэй бөх: Налайх дүүргийн 119-р сургуулийн сурагч Б.Азжаргал
13-14 насны ангилал:
92 бөх хүч үзсэнээс:
- Түрүү: Сэлэнгэ аймгийн Сүхбаатар сумын харьяат Н.Эрхэмбаяр
- Үзүүр: Төв аймгийн Эрдэнэсант сумын харьяат Х.Хүслэн
- Шөвгийн гурав: Чингэлтэй дүүргийн өсвөрийн бөх Э.Сод-Эрдэнэ
- Шөвгийн зургаад: Завханы Г.Энхтамир, Налайхын С.Шинэ-Идэр, Орхоны Н.Эрхэмбаяр
15-16 насны ангилал:
144 бөх барилдсан бөгөөд:
- Түрүү: Дархан-Уул аймгийн харьяат Р.Омар
- Үзүүр: Өмнөговь аймгийн Номгон сумын харьяат Э.Нарантулга
- Шөвгийн гурав: Дорнод аймгийн Баян-Уул сумын харьяат Э.Сэрдамба
- Шөвгийн тавд: Говьсүмбэрийн Б.Батбилгүүн, Ховдын Б.Мөнхбаатар нар шалгарлаа.
Энэхүү өсвөрийн бөхийн барилдаан нь хойч үеийн үндэсний бөхийн хөгжилд чухал ач холбогдолтой, залуу бөхчүүдийн бэлтгэл, ур чадварыг сорих тэмцээн боллоо.
