Олон улсын жүдо бөхийн холбооноос зохион байгуулдаг “Их дуулга” цуврал тэмцээн өнөөдөр Азербайжаны Баку хотод эхэлж байна. Тус тэмцээнд 36 орны 258 жүдоч хүч сорихоор мэдүүлгээ өгсөн бөгөөд манай улсаас эрэгтэйчүүдийн 60, 66 кг, эмэгтэйчүүдийн 52 кг-ийн жинд нийт тав тамирчин өрсөлдөхөөр бэлэн болжээ.
Бакугийн “Их дуулга” тэмцээн энэ удаа тун өрсөлдөөнтэй болох нь сугалаанаас харагдаж байна. Японы шилдэг тамирчид болох Нацүми Цүнадо, Абэ Үта, Момо Тамаоки, Рюүжү Нагаяма, Рёома Танака, Дота Арай, Санширо Мүрао нар тус тэмцээнд ирснээр тэмцээний чансаа, өрсөлдөөний төвшин илт нэмэгдсэн гэж үзэж байна.
Сугалааны дүн: Монголын бөхчүүдийн учраа
-
60 кг жинд
- Н.Мэндсайхан “В” хэсэгт багтаж, Азербайжаны шилдэг бөх Балабай Агаевтай эхний тойрогт барилдахаар болжээ.
- М.Тэргэлсар эхний тойрогт дэвжээний эзэн Мурад Мурадлитай учраа таарсан байна.
- Энэ жинд 20 тамирчин өрсөлдөх бөгөөд өрсөлдөөн ширүүн болох төлөвтэй.
-
66 кг жинд
- Б.Нямренчин “А” хэсэгт эхний тойрогт Германы Мартин Сезтэй барилдана.
- А.Азбаатар эхний тойрогт Монтенегрогийн Юсуф Нурковичтой барилдахаар болсон бөгөөд ялбал Японы шилдэг жүдоч Рёома Танакатай тулах юм.
- Тус жинд АНУ-ын нэрийн өмнөөс Э.Билэгт хэмээх 19 настай монгол залуу зодоглох нь анхаарал татаж байна.
-
52 кг жинд
- Залуу мастер Б.Уранзаяа эхний тойрогт Испанийн Санчезтэй учраа таарчээ.
- Хэрэв ялбал шилдэг дөрөвт үлдэх бол, ялагдвал дагах барилдаанд оролцоно.
Бакугийн “Их дуулга”-ын медалийн төлөөх барилдааныг С1 телевиз гурав хоногийн турш эх орон даяар шууд дамжуулах юм.
Эх сурвалж: Олон улсын жүдо бөхийн холбоо (IJF)
