Олон улсын боксын холбоо (IBA) Парисын Олимпын наадмын боксын тэмцээнд Алжирын тамирчин Иман Хелиф, Тайваний боксчин Лин Юйтин нарыг оролцуулахыг зөвшөөрсөн Олон улсын Олимпын хороог (ОУОХ) шүүхэд өгнө гэдгээ мэдэгдлээ.
IBA-гийн байр суурь
IBA-гийн мэдэгдэлд дурдсанаар, АНУ-ын Ерөнхийлөгч Дональд Трамп эмэгтэйчүүдийн тэмцээнд трансжендер тамирчдыг оролцохыг хориглосон зарлиг гаргасан нь тэдний шударга өрсөлдөөний зарчмыг хамгаалах байр суурийг нотолж байна гэжээ.
IBA-гийн үзэж буйгаар:
- ОУОХ эдгээр тамирчдыг өмнө нь тэмцээнээс хассан гэдгийг мэдсээр байж үл тоомсорлон Олимпын эрхийн төлөөх тэмцээнд оролцуулсан.
- Үүний үр дүнд тэд эмэгтэй тамирчдын боломжийг булаан, медаль хүртсэн.
- Энэ нь шударга өрсөлдөөний эсрэг үйлдэл тул ОУОХ-ны шийдвэрт албан ёсоор гомдол гаргасан байна.
Хууль эрхзүйн арга хэмжээ авах төлөвлөгөө
IBA Швейцарын хууль тогтоомжид заасан зарчмын дагуу тамирчдын аюулгүй байдалд заналхийлсэн аливаа үйлдэл, эс үйлдлийг шалгах шаардлагатай гэж үзэж байна. Үүний хүрээнд:
- Швейцарын прокурорт эрүүгийн хэрэг үүсгэх боломжийг судлуулах,
- Франц, АНУ-ын прокурорын байгууллагад зохих гомдол гаргах гэжээ.
IBA-гийн тэргүүн Умар Кремлев Олимпын наадмаас болж хохирсон тамирчдыг ОУОХ-ны удирдлага болон ерөнхийлөгч Томас Бахын эсрэг шүүхэд нэхэмжлэл гаргахыг уриалжээ.
Эх сурвалж: ТАСС
