Хойд Америкийн Үндэсний хоккейн лигийн (NHL) “Вашингтон Кэпиталз” багийн ахлагч, Оросын довтлогч Александр Овечкин “Оттава Сенаторз” багийн талбайд болсон тоглолтод гоол оруулжээ. Тоглолтод “Оттава” баг нэмэлт цагт 5:4 харьцаагаар ялалт байгуулсан байна.
Тоглолтын үеэр “Оттава”-гийн Ридли Грейг, Жош Норрис, Шейн Пинто, Жейк Сэндерсон, Томас Шабо нар гоол оруулсан бол “Вашингтон”-ы Коннор Макмайкл, Дилан Строум, Александр Овечкин нар гоолдсон байна.
Александр Овечкин энэхүү тоглолтод 876 дахь гоолоо оруулж, Үндэсний хоккейн лигийн түүхэнд хамгийн олон гоол оруулсан домогт Уэйн Гретцкигийн 894 гоолын амжилтыг давтахын тулд ердөө 18 гоол хийх шаардлагатай болжээ. У.Гретцки нийт 1487 тоглолтод 894 гоол оруулсан байдаг.
Энэ улиралд Овечкин 23 гоол оруулж, 14 оновчтой дамжуулалт өгсөн бөгөөд нийт 1461 тоглолтод 876 гоол, 711 оновчтой дамжуулалт хийжээ.
“Вашингтон Кэпиталз” баг одоогийн байдлаар 51 тоглолтод 74 оноотойгоор Нийслэлийн дивизионд тэргүүлж байна. Харин “Оттава” баг 51 тоглолтод 58 оноо авч, Атлантын дивизионд гуравдугаар байрт бичигдэж байгаа юм.
Дараагийн тоглолтонд “Вашингтон Кэпиталз” баг хоёрдугаар сарын 2-нд “Виннипег” багийг талбайдаа хүлээн авна. Энэ улиралд лигийн тэмцээн дуусах хүртэл тэдэнд 31 тоглолт хийх үлдээд байна.
Эх сурвалж: ТАСС
