Португалийн алдартай хөлбөмбөгийн дасгалжуулагч Жозе Моуринью өөрийн нэрийн дарсны брэндийг The Special One нэрээр худалдаанд гаргаж эхэлжээ. Дарсны нэр нь хөлбөмбөгийн ертөнцөд түүнд өгөгдсөн “онцгой” гэсэн хочоос сэдэвлэгдсэн бөгөөд брэндийн дарсны нэг шил нь 120 еврогоос дээш үнэтэй байна.

Моуриньюгийн дарсны брэнд тусгай вэбсайттай бөгөөд тэнд дарсыг хэрхэн боловсруулсан талаар дэлгэрэнгүй мэдээлэл өгсөн байна. Дарсыг Португалийн алдартай усан үзмийн сортууд болох турига насионал, турига франка, тинта баррока, сезан зэргийг ашиглан исгэж, боловсорсон улаан жимсний тод, хурц үнэртэй болгожээ. Дасгалжуулагчийн хэлснээр, энэ нь Португалийн дарсны уламжлалт бүс нутгийн онцлогийг агуулсан аж.

Жозе Моуринью бол хөлбөмбөгийн спортын түүхэн дэх хамгийн амжилттай дасгалжуулагч нарын нэг юм. Тэрээр Аваргуудын лигийн хоёр удаагийн аварга (Интер, Порту), УЕФА-гийн цомын эзэн, Португалийн хоёр удаагийн аварга, Италийн хоёр удаагийн аварга, мөн Испанийн аварга болж байсан. Мөн таван жилийн өмнө УЕФА түүнийг Европын хөлбөмбөгийн 10 агуу дасгалжуулагчийн нэгээр нэрлэж байжээ. Өнгөрсөн оноос эхлэн тэрээр Туркийн Фенербахче клубыг удирдаж байгаа юм.

Эх сурвалж: OfficeLife.media