Бүгд Найрамдах Франц улсын Канн хотноо жил бүр зохион байгуулагддаг Каннын Олон Улсын кино наадам 2025 оны 5-р сарын 13-23-ны өдрүүдэд 78 дахь удаагаа зохион байгуулагдана. Уг наадамд дараах төрлүүдэд бүтээл хүлээн авах болсныг зарлажээ:
Шалгаруулалтын төрлүүд болон хугацаа
- Бүрэн хэмжээний уран сайхны кино – 2025 оны 3-р сарын 14 хүртэл.
- Богино хэмжээний кино – 2025 оны 3-р сарын 3 хүртэл.
- La Cinef (Кино урлагийн сургуулийн бүтээл) – 2025 оны 2-р сарын 25 хүртэл.
- Cannes Classic – cannesclassics@festival-cannes.fr хаягаар холбоо барина.
Тавигдах үндсэн шаардлагууд
Бүрэн хэмжээний кино:
- Наадмаас өмнөх 12 сарын дотор бүтээгдсэн байх.
- Олон улсын наадмуудад оролцоогүй, цацагдаагүй байх.
- Үргэлжлэх хугацаа 60 минутаас дээш байх.
- Франц эсвэл Англи хэлний хадмал орчуулгатай байх шаардлагатай.
Богино хэмжээний кино:
- Үргэлжлэх хугацаа 15 минутаас хэтрэхгүй.
- Олон улсын наадмуудад оролцоогүй, цахим орчинд цацагдаагүй байх.
- DVD, BluRay зэрэг хэлбэрээр илгээсэн бүтээлийг хүлээн авахгүй.
- Франц эсвэл Англи хэлний хадмал орчуулгатай байх шаардлагатай.
La Cinef (Оюутны бүтээл):
- Кино урлагийн сургуулийн оюутны сургалтын хөтөлбөрийн хүрээнд найруулсан бүтээл байх.
- Үргэлжлэх хугацаа 60 минутаас хэтрэхгүй.
- Баримтат кино хүлээн авахгүй.
- Олон улсын томоохон кино наадмуудад оролцоогүй байх.
Бүртгэлийн хураамж
- Цахим хэлбэр: 60€
- DVD/BluRay: 50€
- DCP өргөтгөл: 300€
Дэлгэрэнгүй мэдээлэл
Наадамд оролцох бүтээлээ илгээх эсвэл нэмэлт мэдээлэл авахыг хүсвэл доорх холбоосоор хандана уу:
Каннын кино наадмын албан ёсны вэбсайт
Эх сурвалж: Кино урлагийн зөвлөлийн ажлын алба.
