Италийн Турин хотод 2025 оны нэгдүгээр сарын 13-нд дэлхийн оюутны спортын Универсиад XXXII наадмын нээлтийн ёслол болно. Энэ сарын 23-ныг хүртэл 10 өдөр үргэлжлэх тус наадамд 57 орны 2000 гаруй баг тамирчин спортын 11 төрлөөр өрсөлдөнө.
Монгол Улсаас уулын цана, уран гулгалт, гүйлтийн цана, шорт трек, снөүборд гэсэн спортын таван төрөлд 20 хүний бүрэлдэхүүнтэй баг оролцохоор Туриныг зорьжээ.
Монголын багийн бүрэлдэхүүн:
- Гүйлтийн цана: О.Золбаяр, А.Хүслэн, Б.Номин-Эрдэнэ
- Уулын цана: О.Өсөх-Ирээдүй, А.Сондорбаяр
- Уран гулгалт: О.Мишээл
- Снөүборд: Г.Ганзориг
- Шорт трек: Г.Мөнх-Эрдэнэ, М.Борхүү, Э.Мөнх-Эрдэнэ, Б.Гэрэлтуяа
Бэлтгэлийн байршил:
- Гүйлтийн цана болон шорт трек: БНСУ болон Хандгайтын цанын бааз
- Уулын цана, снөүборд: “Скай Резорт”
- Уран гулгалт: Япон
Наадмын нээлт Турин хотын 12,350 хүний багтаамжтай “Иналпи арена”-д болох бөгөөд тус байгууламжийг 2005 онд ашиглалтад оруулжээ. Турин хот нь өмнө нь 1959, 1970 онд зуны, 2007, 2025 онд өвлийн Универсиад наадмыг хүлээн авсан туршлагатай бөгөөд 2006 оны өвлийн олимпыг ч мөн зохион байгуулсан түүхтэй.
Монголын баг тамирчдад амжилт хүсэж, эх орныхоо нэрийг өндөрт өргөхийг ерөөе!
Эх сурвалж: МОНЦАМЭ.
