Фото: pixabay.com
«Формула-1» авто уралдаан байнга хүрээгээ тэлж байна. Энэ жилийн уралдаан 24 тэмцээнээс бүрэлдсэн бол ирэх жилд тэр нь нэмэгдэнэ. Шинэ уралдаан явуулах эрхийг Таиланд, Өмнөд Солонгос, Энэтхэг, хачирхалтай Руанда гэсэн дөрвөн орон шинээр авлаа гэж CNBC мэдээлэв.
«Их уралдаан»-тай болохын төлөө олон орон ихээхэн хэмжээний зарлага гаргахад бэлэн байна. Жишээлбэл, Абу-Даби Гран-при явуулахаар 2009 онд уралдааны замтай хиймэл арал босгохоор $40 тэрбум доллар зарлагадсан түүхтэй. Гэсэн ч зарлага нь сайн, хурдан нөхөгддөг. Бельгийн Гран-при гэхэд л жил бүр эдийн засагтаа $248 саяын ашиг оруулдаг ба эрх баригчид нь 2025 онд дуусч байгаа гэрээгээ сунгуулахаар лоббидож байна.
Монте-Карлогийн зарим дэлгүүрүүд Гран-прийн дөрвөн өдөрт багаг гурвансарын ашигтайгаа тэнцэх мөнгийг олдог тухай аялал жуулчлалын газрынх нь мэдээнд дурьджээ. Абу-Дабийн уралдааны замтай хиймэл аралд зөвхөн 2023 онд 34 сая жуулчид очин ихээхэн ашиг өгчээ.
Лас-Вегасын Гран-при уралдааныг зохион байгуулагчид ярьснаар 2024 оны уралдааны шатаар хотод хийгдсэн нислэг буудлуудын брони, ресторануудын үйлчилгээ зэргээс хот $1,2 тэрбумын ашиг авснаас гадна дэд бүтцэд нь оруулсан хөрөнгө оруулалт хийгджээ.
Хотууд уралдааны тасалбарын наймаанаас маш их мөнгө олдог. Тухайлбал, английн жижигхэн хот Сильверстоунд энэ жилийн уралдааны тасалбарын үнэ £600 (ойролцоогоор $774) фунт болсон байлаа.
