Ховд аймгийн Мянгад суманд хэрэгжиж эхэлсэн “Халзан бүрэгтэй” төслийг нутгийн иргэд эсэргүүцэж жагсав. 

Төслийг хэрэгжүүлэгч байгууллага нь газрын ховор элементийн ашиглалтын тусгай зөвшөөрөл эзэмшигч “Монголиан нэшнл рийр ийрт корп” ХХК бөгөөд тус компанийн үйл ажиллагааг эсэргүүцсэн иргэд газар нутгаа хамгаалах уриалга бүхий жагсаалыг удаа дараа зохион байгуулав. Хамгийн сүүлд буюу болсон жагсаалд 1000 гаруй иргэн оролцсон гэх албан бус мэдээ байна.

Эсэргүүцлийн жагсаал, цуглаанаас болж Ховд аймгийн Засаг дарга М.Амарсанаа захирамж гаргаж, “Халзан бүрэгтэй” төслийг хэрэгжүүлж буй компанийн хайгуулын үйл ажиллагааг түр зогсоожээ.