“Thunderpick World Championship 2024” тэмцээний плей-оффын тоглолтууд Германы Берлин хотын “LVL Dome” аренад болж өндөрлөлөө.
Тус тэмцээнд The MongolZ баг аваргаар шалгарч аваргын цом, 500 мянган ам.доллар гардав. Тэд тэмцээний хамгийн хүчтэй өрсөлдөгчид болох “Heroic” багтай шигшээ тоглолт BO5 цуврал хийж 3:1-ээр ялсан байна. Ийнхүү “The Mongolz” баг Valve-ийн чансаагаар дэлхийн шилдэг таван багийн нэг болж, түүхэн амжилт тогтоолоо. Тэдний урд Vitality, Spirit, NaVi, G2 баг жагсчээ.
Тэд эхний тоглолтоо америк эзэдтэй, орос тоглогчтой “Cloud9”-ийг 2:0-ээр, дараа нь “Fnatic”-ийг 2:0-ээр хожсоноор плей-оффын шатанд өрсөлдөх эрхээ авсан бол хагас шигшээ тоглолтод Францын 3DMAX багийг мөн 2:0-ээр буулгаж авсан юм.
Тэд дараагийн тоглолтоо 2024 оны 11-р сарын 30-наас 12-р сарын 15-ы хооронд БНХАУ-ын Шанхай хотод болох 1 сая 250 мянган ам.доллар-ын шагналын сантай Perfect Word Shanghai Major 2024-т хийнэ.
