УИХ-ын Аж үйлдвэржилтийн бодлогын байнгын хороо өчигдөр “Тавантолгой түлш” ХХК-ийн үйлдвэрлэлийн үйл ажиллагааны талаарх мэдээллийг сонсчээ.
“Тавантолгой түлш” ХХК-ийн газрын дарга А.Батзориг байнгын хороон дээр гишүүдийн асуултад хариулахдаа,
-Яг одоо тулгарч байгаа асуудал гэвэл нийслэлд 8000 орчим өрх манай түлшийг авахгүй байна. Юу түлж байгааг нь мэдэгдэхгүй байна. 2020-2022 онуудад энэ хүмүүст 3-4 долоо хоногийн нүүрсийг Нийслэлийн Халамжийн газраас өгдөг байсан. Энэ талаар арга хэмжээ авах хэрэгтэй байна" гэжээ.
Тухайлбал, 2021-2022 Байгаль орчны сайдаар ажилласан Н.Уртнасан сайд айлуудыг яндангаас гарч байгаа утааг хянахын тулд гэр хорооллын дээгүүр дрон нисгэж, утаа гаргасан айлын гэрт зөвшөөрөлгүй дайран орж, бичлэг хийсэн, нийтэд цацсан үйлдлээсээ болж хүний эрхийн зөрчилд орж огцорч байлаа. Л.Оюун-Эрдэнийн Засгийн газарт хамгийн богинохон ажилласан сайд болсон байна.
Тэгэхээр энэ алдааг дахиж давтах зоригтон гарахгүй байх. Харин утаагүй түлш худалдаж авч чадахгүй байгаа тэр 8000 өрхийн утаагүй түлшний мөнгийг хэн төлөх вэ? гэдэг асуудал дахиад нэг "сэдэв" боллоо. Монголын маргааш дуусдаггүй гэдэг шиг асуудал ч бас дуусахгүй юм даа. Утаагүй түлш чинь яагаад утаа гаргаад, хүн угаартаж үхээд байна вэ? гэхээр утаагүй түлш авах авахгүй байгаа дахиад 8000 айлын асуудал босоод ирлээ.
