Хөшигийн хөндий дэх "Чингис хаан" олон улсын нисэх буудал руу өдөрт нийтийн тээврийн хоёр автобус Х:19 “Чингис хаан нисэх буудал-Сүхбаатарын талбай” болон Х:20 “Чингис хаан олон улсын нисэх буудал-Буянт-Ухаа спорт цогцолбор” хоёр чиглэлд тус тус үйлчилгээнд явдаг.
Харин Х:20 “Чингис хаан олон улсын нисэх буудал-Буянт-Ухаа спорт цогцолбор” чиглэлийн замналыг өнөөдрөөс эхлэн Таван шарын автобусны зогсоол хүртэл сунгаж, Х:20 “Чингис хаан Олон улсын нисэх буудал-5 шар” болгожээ. Автобусны чиглэлийг сунгасан ч үйлчилгээний тариф хэвээр (том хүн 10,000, хүүхэд 5,000) бөгөөд картаар үйлчлүүлнэ.
Харин Х:19 “Чингис хаан нисэх буудал-Сүхбаатарын талбай” чиглэлийн автобусанд том хүн 15,000, хүүхэд 7,000 төгрөгийг төлдөг. Дээрх хоёр чиглэлд 06:20-22:30 цагийн хооронд БНХАУ-ын "Yutong" загварын автобусаар иргэдэд үйлчилнэ.
