Монголын жүдо бөхийн үндэсний шигшээ багийн ахлах дасгалжуулагчаар У.Эрдэнэбаатарыг томилж, бямба гаригт ажлаа хүлээж авчээ.
У.Эрдэнэбаатар нь ОХУ-д олон жил ажиллаж, Тажикистаны шилдэг жүдоч Сомон Махмадбеков, Оросын жүдоч Махмед Махмадбеков, Мурад Чопанов, Рамазан Абдулаев зэрэг шилдгүүдийг бэлтгэсэн юм.
Өмнөх дасгалжуулагч Х.Болдбаатар 2019-2024 онд шигшээ багийн ахлах дасгалжуулагчаар ажиллахдаа олимпын аварга төрүүлж чадаагүйдээ уучлал гуйснаар өөрийн албаа өгсөн. Түүнийг Монголын жүдо бөхийн холбооноос шигшээ багийн ерөнхий зөвлөх дасгалжуулагчийн албанд томилжээ.
