АНУ-ын Стэнфордын их сургуулийн хэсэг эрдэмтдийн тогтоосноор хөгшин эцэгтэй хүүхдүүд эрүүл мэдээр сул дорой байдаг гэнэ.

Эхийн нас нь хүүхдийн эрүүл мэндэд нөлөөтэй нь тогтоогдсон байгаа. Энэ удаа эрдэмтэд хүүхдэд эцгийнх нь нас хэрхэн нөлөөлдгийг судлан үзсэн байна. Сүүлийн үед 40 гарсан эрэгтэйчүүдийн эзлэх хувь нэмэгдэж байгаа учраас үүнийг тэд судлахаар шийдсэн байна. Мөн эрэгтэйчүүд хөгшрөхөд тэдний ДНК-ын мутаци нэмэгддэг нь тодорхой болсон байгаа. Тэр нь үрийн шингэнд нөлөөлж болох талтай. 

Эрдэмтэд 2007–2016 онуудад төрсөн 40 сая орчим хүүхдийн мэдээллийг судалжээ. 45 наснаас дээш настай эцгийн хүүхдүүд жин багатай, дутуу төрөх аюул нь 14 хувиар илүү байв. 55-аас дээш насны эрэгтэйчүүдийн хүүхдийн хувьд Апгарын шаталбараар бага оноотой байлаа. Тэр шаталбар нь шинэ төрсөн хүүхдийн зүрхний цохилт, амьсгаа, рефлексийн хурдан үнэлгээ юм. Тэдэнд амьсгаалалт нь 10 хувиар илүү асуудалтай, төрөгсөдийн 28 хувь нь эрчимт эмчилгээнд орох аюултай байжээ. Мөн хөгшин хүний хүүхдэд сэтгэц, зан аашний өөрчлөлт илүүтэй ажиглагджээ. Мөн хөгшин хүний хүүхэд тээх нь эхийн эрүүл мэндэд сөрөг нөлөөтэй байсан гэнэ.

М.Цогт