Өсвөр насны охид, эмэгтэйчүүд жирэмслэлтээс хамгаалах Жирэмслэлтээс хамгаалах “72 цагийн эм”-ийг замбараагүй хэрэглэж байна.
NTV телевизийн мэдээлснээр эмчийн жороор олгох ёстой ч эмийн сангууд уг эмийг хяналтгүй худалдаалж байгаа нь эргээд эрүүл мэндийн олон асуудал дагуулж байгааг анхааруулжээ. Тодруулбал, охид эмэгтэйчүүдийн дунд “72 цагийн эм”-ийг бэлгийн хавьталд орсны дараа уувал жирэмслэлтээс хамгаална гэх ойлголт нийтлэг. Гэвч энэ нь өрөөсгөл бөгөөд зургаан сарын зайтай хэрэглэх ёстой бөгөөд ойрхон давтамжтай хэрэглэвэл үргүйдэлд хүргэх аюултай. Цаашлаад хөхүүл эх энэ эмийг хэрэглэх хориотой байдгийг ч эмч мэргэжилтнүүд анхааруулсаар байна. Гэтэл 17-20 насны охид энэ эмийг дур мэдэн хэрэглэж эрүүл мэндээрээ хохирч байна.
Эмийн гаж нөлөөний талаар охидын төлөөлөл телевизид өгсөн ярилцлагадаа Номин /нэрийг өөрчлөв/ гэх охин “Найз нөхдөөсөө 72 цагийн эмийн тухай сонсоод авч уусан. Дараа нь сарын тэмдэг ирэхээ больж мөчлөг алдагдаж, ирэхдээ маш өвдөлттэй ирдэг болсон. Одоо үргүй болсон байх вий гэдгээс айж байна” гэж ярьжээ.
Угтаа бол “72 цагийн эм”-ийг аль болох хэрэглэхгүй байх нь зөв болохыг эмч нар зөвлөж байна. Үгүй бол дур мэдэн хэрэглэх нь дааврын хямрал, цусны бүлэгнэлд нөлөөлөх, сарын тэмдгийн мөчлөг алдагдах гаж нөлөөтэй. Тэрбүүхэл 17-оос доош насны охид болон элэгний архаг үрэвсэлтэй болон архаг хууч өвчтэй, уналт таталтын эсрэг эм хэрэглэдэг эмэгтэйчүүд, зүрхний хүнд өвчтэй эмэгтэйчүүд хэрэглэж болохгүй гэдгийг анхааруулж байна.
TIME.MN