Улсын арслан М.Бадарчийн барилдах эрхийг хасч, цолыг нь хураах тухай Улсын баяр наадмын комиссийн шийдвэрийг эсэргүүцэж М.Бадарч арслан спортын арбитрт гомдол гаргаснаас хойш "зун намрын зургаан сарыг" туулаад байгаа. Тэгвэл спортын арбитрын шүүх энэ сард хуралдахаар болжээ.
Монгол Улсын арслан М.Бадарчийн шинжилгээнээс дэлхийн допингийн эсрэг агентлагаас гаргасан хориглосон жагсаалтад орсон бодис илэрч, түүний бүх давааг хүчингүйд тооцож, арслан цолыг хураах саналыг баяр наадмын зохион байгуулах хороонос гаргасан. Гэвч Ерөнхийлөгч өдийг хүртэл зарлиг гаргаагүйнь улсын арслан М.Бадарч спортын арбитрт хандсантай холбоотой байх магадлалтай.
Солонгост өөрийн биеэр очиж, Б сорьцоо шинжлүүлсэн гэх М.Бадарч Монголын олон улсын ба үндэсний спортын арбитрт хандсан. Түүний хандах болсон шалтгаан нь наадмын зохион байгуулах хорооны бөхийн комисс шинжилгээ авах үеэс эхлээд зарлах хүртлээ процессын алдаа гаргасан гэж үзэж байгаа юм.