Монголын Чөлөөт Бөхийн Холбооны ээлжит бус их хурал арванхоёрдугаар сарын 7-ны өдөр болжээ.
Энэхүү ээлжит бус их хурлаар холбооны ерөнхийлөгчийг батламжлах, шинэчилсэн дүрмийн найруулга болон бусад гэсэн асуудлуудыг хэлэлцсэн байна.
Ингээд МЧБХ-ны ерөнхийлөгчийн үүрэг гүйцэтгэгч Я.Содбаатарыг хүрэлцэн ирсэн төлөөлөгчдийн 100 хувийн саналаар Ерөнхийлөгчөөр батламжилж, холбооны дүрмийн шинэчилсэн найруулгыг хэлэлцэж баталжээ.
Төлөөлөгчид 21 аймаг, 9 дүүрэг, спорт хороод, клуб, их дээд болон дунд сургууль, ахмадууд, удирдах зөвлөл, дасгалжуулагч, мэргэжлийн зөвлөл, шүүгчдийн зөвлөл, мастерууд, хяналт, Үндэсний шигшээ багийн тамирчид зэрэг төлөөллүүдээс бүрдэн оролцжээ.
