ОУХМ С.Жамбалжамц “Парис 2024”олимпийн эрхээ авсан, хагас мэргэжлийн багт уралдсан билээ. Энэхүү амжилтаараа тэрээр Испанийн мэргэжлийн баг “Burgos BH” багтай гэрээ хийсэн гэж Монголын дугуйн холбооноос мэдээллээ.
Ингэснээр С.Жамбалжамц “World Pro tour” буюу дэлхийн мэргэжлийн шилдэг баг, тамирчид уралддаг “Vuelta a Espana”, “Giro d’Italia”, “Tour de France” зэрэг тэмцээнд оролцох боломж бүрджээ.
Энэ нь монголын дугуйн спортын түүхэнд цоо шинэ хуудсыг нээсэн байна. Монгол улс Уорлд турын түүхэнд анхны тамирчнаа бүртгүүлсэн 88 дахь гишүүн болсныг UCI онцлон зарлаж байна.
Монголын дугуйн холбооны 2022 оны зорилт: Монголын анхны хагас мэргэжлийн баг байгуулах
-
2023 оны гол зорилт: Олимпийн эрх авах
-
2024 оны гол зорилт: Олимпод хамгийн дээд амжилтыг үзүүлэх
-
2025 оны гол зорилт: “Уорлд тур”-ын багт Монгол тамирчдыг оруулах
-
2026 оны гол зорилт: “Тур де Франц”-д оролцох юм.
Энэхүү төлөвлөгөөг С.Жамбалжамц урагшлууллаа.
Мөн дугуйн топ уралдааны амжилт, чансааг мэдээлдэг https://www.procyclingstats.com/ цахим хуудсанд Сайнбаярын Жамбалжамцыг өнөөдрийн хамгийн алдартай дугуйчнаар онцолжээ.
