"Ханжоу 2022" 19 дэх удаагийн Азийн наадмын Жүдо бөхийн эрэгтэй, эмэгтэй ганцаарчилсан төрөл өнөөдөр өндөрлөлөө. Энэ төрөлд Монголын таван тамирчин өрсөлдөж хоёр нь медальт байрт шалгарав. Эрэгтэйчүүдийн -100 кг жинд ОУХМ Б.Гончигсүрэн алтан медалийн төлөө Узбекистаны бөх Турубоев Музаффарбектай барилдаж цэвэр яллагдсанаар мөнгөн медалийн болзол хангалаа.
Эмэгтэйчүүдийн +78 кг жинд ОУХМ А.Адъяасүрэн хүрэл медалийн төлөө Энэтхэгийн бөх Тулики Маантай барилдаж нэмэлт цагт торгуулиар ялав.
Харин хүрэл медалийн төлөө +100 кг жинд Г.Алтанбагана, -78 кг жинд О.Хүслэн нар учраа бөхдөө ялагдсанаар медалиас мултарсан юм. Ингэснээр манай улс тус Азийн наадмаас жүдо бөхийн төрлөөр хоёр мөнгө, гурван хүрэл медаль хүртсэн амжилт үзүүллээ.
Маргааш эхлэх жүдо бөхийн холимог багийн төрөлд манай бөхчүүд БНХАУ-ын шигшээ багтай барилдах оноолт таарчээ.
