Азийн холимог тулааны "One championship" холбооны "ONE Fights Night 34" арга хэмжээ Бангкок хотын Лумпини цэнгэлдэхэд баасан гаригт боллоо.
Уг тэмцээнд манай улсын тулаанч З.Шинэчагтага "One championship" холбооны долоо дахь тулаанаа БНХАУ-ын тамирчин Руй Чэнтэй хийлээ. Хоёр тамирчин гурван үеийн турш 15 минут тулалдсаны эцэст З.Шинэчагтага шүүгчийн саналаар ялалт байгуулав. Ингэснээр манай тулаанч "One championship" холбоонд долоон удаа тулалдахдаа тав ялж, хоёр ялагдсан амжилтыг үзүүлжээ.
Харин БНХАУ-ын тулаанч "One championship" холбоонд арван тулаан хийж ялалт болон ялагдлын хэмжээ тэнцэв.