Өнөөдөр Олон улсын олимпын өдөр тохиож, дэлхийн 206 оронд спортынхон баяраа тэмдэглэж байна. 

1894 оны зургадугаар сарын 23-ны өдөр Францын нийгмийн нэрт зүтгэлтэн Пьер де Кубертиний санаачилгаар цугласан олон улсын спортын зүтгэлтнүүд эрт цагт дайн байлдаанаа зогсоон өрсөлддөг байсан Олимпын наадмыг орчин цагт сэргээн явуулах түүхэн шийдвэр гаргаж байсан түүхтэй.  

Орчин үеийн олимпизмын хөдөлгөөнийг энэ өдөр үүссэн гэж үздэг. Ийн 1948 оны Лондоны зуны олимпын жилээс эхлэн Олон улсын олимпийн өдрийг жиг бүрийн энэ өдөр тэмдэглэдэг уламжлал тогтжээ.

Монголын Үндэсний Олимпийн Хороо нь 1956 онд байгуулагдаж 1962 онд Олон Улсын Олимпийн Хорооны гишүүн болсон түүхтэй.

Монгол Улс 1964 оноос олимпийн наадамд орж эхэлснээс хойш бараг бүхий л зуны олимпод тасралтгүй оролцож буй. 

Дашрамд, 1984 онд ЗХУ-ийн санаачилгаар социалист орнууд Лос-Анжелесийн олимпийг бойкотлосон. Ингэснээр Монгол Улс 1984 оны зуны олимпод оролцоогүй ба оронд нь социалист орнуудын зохион байгуулсан "Эв санааны наадам" (Friendship Games) гэсэн тэмцээнд оролцож байжээ. Өвлийн олимпын хувьд мөн 1964 оноос хойш 1976 оны олимпоос бусад бүх олимпод оролцсон боловч одоогоор медаль аваагүй байгаа юм.

Харин манай баг тамирчид зуны олимпийн наадмаас 2 алт, 10 мөнгө, 14 хүрэл, нийт 26 медаль аваад байна. 

Орчин үеийн Олимпийн хөдөлгөөн үүсэж хөгжсөний 129 жилийн ойн баярын мэндийг спортын гэр бүлийнхэндээ дэвшүүлье!