Байт харвааны 2023 оны Улаанбаатар хотын аварга шалгаруулах XXII удаагийн тэмцээн энэ амралтын өдрүүдэд Үндэсний цэцэрлэгт хүрээлэнд байрлах "Дайчин Чанар-Тэсвэрийн талбар 360" талбайд болно.
Тэмцээнийг Нийслэлийн Биеийн тамир, спортын газар, Монголын байт харвааны холбоо хамтран зохион байгуулж байгаа юм.
Тус тэмцээн нь нээлттэй болох бөгөөд Улаанбаатар хот болон орон нутгийн 100 гаруй тамирчин рекурв, компаундын төрлөөр зургаан багц медалийн төлөө цэц мэргэнээ сорин өрсөлдөх юм.
Дашрамд, өнгөрсөн жилийн Улаанбаатар хотын аварга шалгаруулах тэмцээний эрэгтэй ганцаарчилсан харваанд "Хангарди" клубын тамирчин Ж.Гантөгс, эмэгтэй ганцаарчилсан харваанд "Алдар" спорт хорооны тамирчин П.Мишээлт алтан медаль хүртэж байв.