Байт харваан спортын гадаа талбайн 2023 оны эхний тэмцээн өнөөдөр эхэлж байна.
“Улирлын нээлт” тэмцээн тавдугаар сарын 19-21-ны хооронд Үндэсний цэцэрлэгт хүрээлэнд байрлах "Дайчин Чанар-Тэсвэрийн талбар 360" талбайд насанд хүрэгчдийн эрэгтэй урьдчилсан харваагаар эхэллээ.
Тэмцээн олон улсын стандартын дагуу 70 метрийн зайд болох ба тамирчид “Рекурв”, “Компаунд” төрлөөр өрсөлдөнө.
Энэ удаагийн тэмцээнд нийт 11 байгууллагын 80 гаруй тамирчин оролцох бөгөөд хувь буюу ганцаарчилсан, холимог баг /эрэгтэй, эмэгтэй/, багийн /эрэгтэй гурван тамирчин, эмэгтэй гурван тамирчин/ 10 багц медалийн төлөө цэц мэргэнээ сорих юм.
Байт харваан спортын хувьд үндсэн тэмцээн эхлэхийн өмнөх өдөр тэмцээний талбай, зайд тамирчид өөрийн нум сумны техникийн байдлыг хангуулах, бэлдэх үүднээс "хараа тааруулах" харваагаар тэмцээнээ эхлүүлдэг байна.
Спорт сонирхогч та бүхнийг Улирлын нээлтийн тэмцээнийг сонирхон үзэхийг урьж байна.
Улирлын нээлт тэмцээний хуваарийг хүргэж байна.