МҮОХ-ны гишүүн байгуулллагуудын ерөнхий нарийн бичгийн дарга нарын сургалт семинар өнөөдөр Олимпик хауст боллоо.
Семинарт МҮОХ-ны ерөнхий нарийн бичгийн дарга Э.Бадар-Ууган, Гүйцэтгэх зөвлөлийн гишүүн П.Буяндэлгэр,болон 40 спорт холбоодын төлөөлөл оролцов.
Семинарын үеэр “Улаанбаатар-2023” Зүүн Азийн залуучуудын наадам, “Бали-2023” Дэлхийн элсний наадмын сүүлийн үеийн мэдээллийг өгснөөс гадна Спорт дахь аюулгүй байдал, Допингийн эсрэг “ADEL” алсын зайн сургалтад хэрхэн хамрагдах вэ сэдвээр холбогдох албаныхан сургалт оров.
Мөн Ханжоугийн Азийн наадмын талаарх дэлгэрэнгүй мэдээллийг спорт холбоодод өглөө.
Тухайлбал, нээлт, хаалтын ёслол, бүртгэл, тээвэр, хуваарь, спортын төрөл, тамирчдын тосгон болон Монголын багийн бүрэлдэхүүн, Азийн наадамд оролцоход баг тамирчдын анхаарах зүйлс зэрэг олон төрлийн мэдээллээр спорт холбоодыг хангасан юм.
