2026 оны Миланы өвлийн олимпын бэлгэдлээр хоёр үенг тодруулжээ. Олимпын бэлгэдлийг олон нийтийн санал асуулга тодруулсан байна.

Inside Thе Games сайтын мэдээлснээр, Италийн Альпийн ууланд амьдардаг үенгийн төлөө асуулгад оролцогчдын 53 хувь санал өгчээ.

Альпийн цагаан уул цэцэг, цасны ширхэгийн дүрсүүд дараагийн байруудад орсон байна. Сонгон шалгаруулалтад Италийн 81 мужийн 82 сургууль, 681 ангийн 1600 гаруй бүтээл ирсэн байжээ.

Сонгогдсон Олимпын бэлгэдлийн дизайныг Катанзарогийн дээд сургуулийн оюутнууд бүтээжээ.

Нэг үенг цагаан, нөгөөг нь хүрэн өнгийн шубатайгаар зуржээ. Зургийн тайлбарт үенгүүд "Тоглолтын бүх төрлүүдэд оролцон саад тотгорыг даван туулахаас гадна уулын энгэр, мөсөн гулгуурт хамгийн идэвхтэй хөгжөөн дэмжигчид байх юм" гэж өгүүлжээ.

Одоо олон нийтийн сонгон шалгаруулалтыг Олимпын 2026 оны тоглолтыг зохион байгуулагчид дэмжих ёстой аж. 

М.ЦОГТ