Канадын хилийн орчим нууран дээр америкийн сөнөөгч онгоцнуудын сөнөөсөн  сансарын биет найман өнцөгтийн хэлбэртэй байжээ. Энэ мэдээллийн конгрессмен Жек Бергманы хэлсний дагуу Fox News телевиз дамжуулсан байна.

"АНУ-ын Нисэх хүчний сөнөөгч F-16 онгоц үл танигдах найман өнцөгт биетийг Гурон нууран дээр Sidewinder пуужингаар сөнөөлөө" гэж Fox News телевизийн мэдээнд өгүүлжээ.

Тэр сүүлийн найман хоногийн дотор америкчуудын сөнөөсөн дөрөв дэх биет болов. Гурон нууран дээр уг биетийг сөнөөх тушаалын Ерөнхийлөгч Жо Байден өгсөн байна.

Сөнөөгдсөн биет цэргийн ямар нэгэн аюул агуулаагүй гэж Вашингтон үзэж байгаа, гэхдээ аппарат тагнуулын үйл ажиллагаа хийсэн байхыг үгүйсгэсэнгүй.

АНУ-ын агаарын орон зайд сүүлийн хэд хоногт сөнөөгдсөн нисэх биетүүд нь харь гаригийн гаралтай байхыг Хойд Америк тивийн Агаар сансарын хамгаалалтын цэргийн командлалын тэргүүн Глен Ванхерк үзснээ сэтгүүлчдийн асуултад хариулахдаа хэлжээ.

Гэхдээ энэ талын дүгнэлт үнэлгээ гаргахыг тагнуулчид хийх ёстой гэж хэлсэн байна. Глен Ванхерк америкийн цэргийнхэн сөнөөгдсөн биетүүд агаарт яаж юугаар нисэж байсныг мэдэхгүй байна гэжээ.

М.ЦОГТ