Турины "Ювентус" энэ жилийн Италийн аваргын тэмцээний онооны жагсаалтаас 15 оноогоо хасуулан шийтгүүлжээ. Клубыг санхүүгийн залилангийн хэрэгт буруутгасан байна.

Прокурорын газраас гаргасан Ювентусыг хуурамч бичиг баримт ашигласан гэх хэргийн мөрдөн байцаалтыг сэргээх хүсэлтийг Холбооны даван заалдах шүүх зөвшөөрчээ. Ийн Италын хөлбөмбөгийн холбоо тус клубыг 15 оноогоор торгохоор шийдсэн байна. Тус клубын удирдлага санхүүгийн байдлынхаа талаар худал мэдээлэл гаргаж, хийгдээгүй ажиллагааны орлогын мэдүүлэг өгч будилуулсан байв.

Мөн элдэв шалгалт явуулах боломж гаргаагүй байжээ.

FIGC-ийн прокурор клубын 9 оноог хасах, удирдлагаас зарим хүнийг хөөх ял төлөвлөсөн байв. Эцэст нь клубын захирлуудын зөвлөл олонхийн саналаар 16 оноог хасч клубын Ерөнхийлөгч Аньеллийг огцруулжээ. Одоо 15 оноог хассаны дараа "Ювентус" 22 оноотой болон А  зэрэглэлийн 10-р байр хүртэл доошлоод байна. Клуб шүүхийн шийдвэртэй даван заалдана гэж мэдэгджээ.

М.ЦОГТ