Олон Улсын жүдо бөхийн холбооноос 2022 оны шилдгүүдээ шалгаруулах "Judo Awards" ёслолын ажиллагаа 2023 оны хоёрдугаар сарын 5-нд Парисын их дуулга тэмцээний үеэр болно.

"Judo Awards"-ын оны шилдэг эрэгтэй тамирчинд МУГТ, ОУХМ, олимпын хүрэл медальт, дэлхийн аварга Ц.Цогтбаатар нэр дэвшсэн байна. Санал асуулга нэгдүгээр сарын 12-31-ий хооронд болох ба жүдо бөх сонирхогч та бүхэн IJF Judo Awards 2022 хаягаар нэвтэрч саналаа өгөх боломжтой юм.

Оны шилдэг эрэгтэй жүдочид нэр дэвшигчид:

1. Тато Григалашвили (Гүрж)

2. Энди Гранда (Куба)

3. Давлат Бобонов (Узбекистан)

4. Цэнд-Очирын Цогтбаатар (Монгол)

5. Хифүми Абэ (Япон)

Оны шилдэг эмэгтэй жүдочид нэр дэвшигчид:

1. Үта Абэ (Япон)

2. Роман Дико (Франц)

3. Рафаэла Силва (Бразил)

4. Барбара Матич (Хорват)

5. Майра Агиар (Бразил)