Монголын спортын корпорациас Холбоодын нэгдсэн улсын аварга шалгаруулах тэмцээнийг хоёр дахь жилдээ зохион байгуулах гэж байна. Энэ удаагийн холбоодын нэгдсэн тэмцээнд нийт 15 спортын холбоо нэгджээ.
Уг тэмцээн энэ сарын 13-22-ны хооронд “Мөсөн Өргөө”-д болно.
Наадамд хүндийн өргөлт, байт харваа, скейтборд зэрэг олимпын спортоос гадна корнхол, брейк бүжиг, виртуал дугуй, valorant зэрэг сонирхолтой төрлүүд багтаж байна.
Холбоодын Нэгдсэн УАШТ 2023 тэмцээний ерөнхий ивээн тэтгэгчээр “Steppe Link Holding”, ивээн тэтгэгч байгууллагаар “Odin Tech” хамтран ажиллах юм.
