"Вашингтон Кэпиталз" багийн ахлагч Александр Овечкины "Чикаго Блэкхокс" багтай хийсэн тоглолт АНУ-д хамгийн их яригдсан үйл явдал болов.
Тэр тоглолтод Овечкин гурван шайб эсрэг хаалгад оруулсны сүүлийнх нь довтлогчийн НХЛ-ийн карьерын 800 дахь нь боллоо. Ийнхүү тэрээр ийм амжилтыг үзүүлсэн гурав дахь хоккейчин болов.
"Орчин үеийн аугаа мэргэн буучийг харж байна. Тийм аугаа довтлогчийг бид хэдэн үеэр харахгүй" гэж Овеччкины тоглолтыг Daddy Cornbred бичжээ.
"Хос тэшүүр өмсөгчдийн шилдгийн нэг нь тэр юм. Хэрхэн амжилтуудыг гаргаж байгааг нь харахад ихээхэн таатай" гэсэн сэтгэгдлээ сэтгүүлч Эндрю Шнитткер хуваалцлаа.
"Овечкин ямар мундаг нь алмайруулам. Харамсалтай нь Вашингтон плей-офф-т шалгарахгүй. Тэнд Овийг хармаар байна" хэмээн хөгжөөн дэмжигч The Klenkster бичжээ.
Овечкин лигийн түүхэнд шилдэг мэргэн буучдын жагсаалтын хоёрт байгаа Горди Хоуг (801 гоол) удалгүй гүйцэн түрүүлнэ. Лигийн гоолчдын лидер нь канадын Уэйн Гретцки (894 гоол) юм.
"Вашингтон Кэпиталз" багийн тоглогчид Александр Овечкины НХЛ-ийн 800 гоолыг сэтгэлийн хөөрөөлтэй тэмдэглэн багийн бүх тоглогчид талбайд гарч түүнд байр хүргэв. Тоглолтын дараа түүнд гурван гоолын шайбуудыг бэлэглэсэн байна.
М.ЦОГТ
