Хүйтний урирал, утаатай зэрэгцээд ханиад томууны дэгдэлтийн үе эхлэх гэж байна. Үүнтэй холбоотойгоор томуугийн вакциныг Засгийн газраас хөрөнгө оруулалт хийж орон даяар эрсдэлтэй бүлгийн буюу хүүхэд, ахмад настан, хөгжлийн бэрхшээлтэй иргэдэд үнэ төлбөргүй хийдэг.
Үнэ төлбөргүй хийгддэг вакцин энэ сарын сүүлд ирж, ирэх сараас хийж эхлэх юм. Мөн энэ жил улсын хэмжээнд 175 мянган тун вакцин ирэх юм.
Тэгвэл үнэгүй хийгддэг вакцинаас урьдаад хувийн эмнэлэгүүдэд томуугийн вакциныг хийгээд эхэлжээ. Үнийн хувьд 35-45 мянган төгрөгийн хооронд байна.
Томуугийн вакцин хийлгэснээс 14 хоногийн дараа дархлал тогтож, бүтэн жилийн турш томуу тусах эрсдэлээс хамгаалдаг тул томуугийн улирал буюу арваннэгдүгээр сараас өмнө, болж өгвөл аравдугаар сардаа багтаж томуугийн вакцин хийлгэвэл зохимжтойг эмч нар зөвлөдөг.
