Украины командлалын төлөөлөгч Юрий Игнат энэ сарын 15-нд пуужингийн хамгийн хүчтэй цохилтод өртсөн талаар Украины телемарафон нэвтрүүлэг дээр мэдэгджээ.
Тэрээр "Орос өнөөдөр 80 пуужингаар буудлаа, зарим нь одоо ч нисэн ирсээр байна" гэсэн байна.
Арваннэгдүгээр сарын 15-нд Украин 90 гаруй пуужингийн довтолгоонд өртөж эрчим хүчний дэд бүтцийн 15 байгууламж эвдэрлээ гэж Ерөнхийлөгч Владимир Зеленскийн албаны орлогч дарга Кирилл Тимошенко хожим мэдэгдэв.
Тэрээр "Киев хот, Винницк, Волынск, Донецк, Днепропетровск, Житомир, Киев, Кировоград, Львов, Полтав, Ровненск, Сумск, Тернополь мужуудад цахилгааны тасалдал гарсан" гэв.
Мөн түүнчлэн, Харьков, Хмельницк, Черкасск, Черновецк, Чернигов мужуудад цахилгааны саатал үүсчээ.
АНУ-ын ерөнхийлөгчийн Үндэсний аюулгүй байдлын зөвлөх Жейк Салливан, Оросын пуужингийн цохилтыг буруутгаад үүнтэй холбоотойгоор Киевт агаарын довтолгооноос хамгаалах зэвсгийг нийлүүлнэ гэв.
Оросын цохилтын дараа Карпатын орчмоос Львов, Полтава, Днепропетровск хүртэл галт тэрэгний хөдөлгөөн зогсчээ. Киев хотын байгууламжуудад пуужингийн цохилтын давалгаан дараалан хийгдэж, телевизийн давмжуулах төв мөн зэвсгийн агуулах устгагджээ.
Хотын замуудад олон км-ын түгжрэл үүссэн төдийгүй таксиний үйлчилгээний үнэ эрс нэмэгдэв.
М.ЦОГТ
