УИХ-ын чуулганы өнөөдрийн нэгдсэн хуралдаанд УИХ-ын гишүүд ХХААХҮ-ийн сайдаас салбарын асуудлаар тодруулга, мэдээлэл авч байна.
Энэ үеэр УИХ-ын гишүүн С.Одонтуяа "ҮСХ-ны мэдээлэлд тулгуурлан хэд хэдэн асуулт асууя. Өрхийн хэрэглээ 20 хувь буурахад 467 мянган иргэн нэмж ядууралд өртөнө гэсэн байна. Өнөөдөр гурав биш хоёр хүн тутмын нэг нь ядуу болоод байна. Хөрш орнууд жижиг үйлдвэрлэгчдийг нэмснээр ядуурлаас гарсан байдаг.
Нэгт, яамны хүнд суртлыг халах, хоёрт хөнгөлөлттэй зээл өгөхөд бүхнийг хийж болно гэж тэд ярьдаг. Хүнд суртлыг халах тал дээр юу хийх вэ. Иргэдэд бизнес хийх боломж алга, хүний махыг идэх ажил болчхоод байна. ХХААХҮ-ийн сайд та хүнд суртал халах тал дээр дорвитой ажил хийгээд өгөөч. Хөдөө орон нутгийнхан яаман дээр ирэхэд жижүүр угтдаг. “Цаг авсан уу” гэхээр аваагүй, “Өө, хуралтай байна” гээд л хаалгаа хаадаг. Монголд бизнес хийнэ гэдэг хүний махыг иддэг ажил болчихлоо" гэлээ.
