Дэлхий дахинд болж буй үйл явдлыг тоймлон хүргэж байна. 

• Ши Жиньпин, Жо Байден нар хэлэлцээ хийлээ. Байденыг албан тушаалдаа орсноос хойш анх удаа Хятад, Америкийн ерөнхийлөгч нар биечлэн уулзаж, харилцаагаа тогтворжуулах “нялх алхам” хийв. Тэд уур амьсгалын асуудлаарх хамтын ажиллагаа, дипломат арга хэмжээний талаар амлалт өгөв.

• Парис Лондонг ардаа орхин Европын хамгийн том хөрөнгийн зах зээл болжээ. Их Британийн санхүүгийн төв 2003 онд өндөр инфляци, эдийн засгийн уналт ойртож, бүртгэлүүд эхэлснээс хойш анх удаа дээд байрнаасаа уналаа. Энэ хоёр улстай холбоотой өрнөсөн дэлхий дахины чухал мэдээ гэвэл ​​Их Британи Францад жил бүр 8 сая фунт стерлинг буюу 9.4 сая доллар нэмж төлөхөөр болсон бөгөөд жижиг завин дээрх цагаачдыг Английн сувгийг гаталж Британийн эрэгт хүрэхийг зогсоохын тулд эргүүлийн хяналтыг нэмэгдүүлэхээр болжээ. Лондон, Парис хотууд энэ замыг удирдаж буй хүний наймааны бүлэглэлүүдтэй хэрхэн тэмцэх талаар удаан хугацааны турш маргалдсаар байгаа бол хэдэн арван мянган орогнол хүсэгчид өргөдлөө шийдвэрлэх гэж олон жил хүлээж байна.

• Чарльз хаан дүү нараа Төрийн зөвлөх болгохыг хүслээ. Их Британийн парламент зөвшөөрвөл гүнж Анн, хунтайж Эдвард нар түүний нэрийн өмнөөс хааны албан ёсны үүргийг гүйцэтгэх боломжтой болно.

• Binance криптовалютын салбарт нөхөн сэргээх сан байгуулахаар болжээ. Тус нөхөн сэргээх сан нь өмнөх долоо хоногт тус салбарыг доргиосон FTX-ийн ослын нөлөөг даван туулахад бусад төслүүдэд туслах зорилготой юм.

• Твиттер 4400 орчим гэрээлэгчийг сануулгагүйгээр ажлаас нь халснаас хойш хэд хоногийн дараа Амазон 10 мянган ажилчдаа ажлаас чөлөөлөх болсныг мэдэгджээ. 10 мянга гэдэг тоо бол технологийн аварга компанийн түүхэн дэх хамгийн том ажлын байрны цомхотгол. Энэ мэдээ дэлхийн толгой баян Амазоноос нэр, дөрөө хорших, харших Жефф Безос хөрөнгийнхөө ихэнх хэсгийг буяны үйлсэд зориулахаар төлөвлөж байна гэдэг мэдээтэй нэг өдөр давхцаж гарлаа. Амазоны үүсгэн байгуулагч, тэрбумтан тэрээр 124 тэрбум ам.долларынхаа дийлэнх хувийг уур амьсгалын өөрчлөлттэй тэмцэх, дэлхийн эв нэгдлийг дэмжихэд зориулна гэж мэдэгджээ.

• BMW компани Хятадад цахилгаан машины батерейны үйлдвэрлэлээ өргөжүүлж байна. Германы автомашин үйлдвэрлэгч дэлхийн хамгийн том цахилгаан автомашины зах зээлд Tesla болон бусад брэндүүдтэй өрсөлдөхийн тулд 1.4 тэрбум долларын хөрөнгө оруулалт хийнэ гэлээ.

• 2024 оны Парисын Олимпын наадмын сахиус бэлэг тэмдэг нь малгай байх нь ээ. Фригийн малгай нь Францын хувьсгалын бэлгэдэл бөгөөд энэ удаа ч бас олимпын онцлох сахиус болно.

• Саалийн үнээнд мансууруулах эм өгвөл юу болох вэ? Шинжлэх ухааны үндэслэлтэй хийсэн энэхүү судлагаанд үнээ хар тамхи татсныхаа дараа эвшээх, шүлсээ гоожуулах, нүд нь улайх, ердийн хэвийн сайхан төрхөө алдах зэрэг шинж тэмдэг гарч байгаа болохыг тогтоожээ.

• Хойд Солонгосын хакерууд энэ оны эхний гурван улиралд крипто биржүүдээс ойролцоогоор 1 тэрбум доллар хулгайлсан гэсэн тооцоо бий. Мөнгө хаашаа явсан бэ? Гайхах зүйлгүй: Ким Чен Уны баллистик пуужин болон цөмийн хөтөлбөрийг санхүүжүүлэх төлбөр болсон.

Б.Бүжлхамаа