Холимог тулаанч З.Шинэчагтага, гавьяат тамирчин Э.Цэндбаатар нар тус бүрээсээ 300 сая төгрөг гаргаж, нийт 600 сая төгрөгийн бооцоотой мэргэжлийн боксын халз тулааныг зарлалаа.

Энэ сарын 9-нд буюу ирэх баасан  гаригт Бөхийн өргөөнд болох уг тулаанд дээрх хоёр тамирчнаас гадна тулаанч н.Баярсайхан, н.Сүхбат, Сайханбилэг, н.Отгонбаяр, н.Хишигбаяр нар өрсөлдөх юм. Тулааны өмнөх халз уулзалт өчигдөр Үндэсний цэцэрлэгт хүрээлэнд боллоо.

Э.Цэндбаатар:

-“Тулаан болох өдрийг хүлээж, догдолж, хор шар хөдөлж байгаа ч тэр сэтгэл хөдлөлөө одоо маш сайн дарж байна. Би тулаан болох өдөр З.Шинэчагтагыг урж тастмаар байна. Зодно гэсэн бол зодмоор байна” гэв.

Мөн тэрбээр сэтгүүлчдэд мэдээлэл өгөхдөө "Би тулааны өмнө З.Шинэчагтагатай олон удаа уулзмааргүй байна. Хурдхан энэ шаврын хаалтыг арчиж хаяад АНУ-руу очиж, мэргэжлийн боксдоо тулалдмаар байна."

З.Шинэчагтага:

-"Рингэн дээр үзэхээр сэтгэл зүй зэрэг бүх зүйлээ бэлдчихээд өнөөдөр яг урдаас нь харахаар сонин мэдрэмж төрж байна. Есдүгээр сарын 9-нд энэ хүний өөрийнх нь хичээллэдэг төрлөөр халз тулалдахдаа би түүнийг басахгүй бас айхгүй. Би бол зөвхөн амжилтын төлөө тулалдана” гэв.

Дээрх хоёр тамирчны тулаан нь Монголын анхны хамгийн өндөр бооцоотой тулаан бөгөөд тэд өнгөрсөн хоёр сарын хугацаанд хувийн бэлтгэлээ хангасан юм.