Хятадын хойд хэсэгт байрлах шарсан махны ресторанд нэгэн эрэгтэй танихгүй эмэгтэйтэй муудалцаж, эсэргүүцсэнийх нь дараа алгадсан байна. Хүчирхийлэгч эр дараа нь тэнд байсан хэд хэдэн эрчүүдийн хамт эмэгтэйг болон хажуу ширээнээс үг хэлж өмөөрсөн бусад эмэгтэйчүүдийг маш хэрцгийгээр зоджээ. Тэдний хоёр нь эмнэлэгт хүргэгдсэн байна.

Өнгөрсөн баасан гаригт Таншан хотод болсон энэ халдлагын камерын дүрс бичлэг олон нийтийн сүлжээнд маш хурдан хурдан тархав. Жендэрийн тэгш бус байдлын тухай яриа улам бүр түгээмэл болж байгаа Хятадад өдөр бүр бэлгийн хүчирхийллийн аюул заналхийлж буйд эмэгтэйчүүд эгдүүцэж, айж эмээж байгаагаа олон нийтийн сүлжээнд хуваалцаж байна.

Гэвч дараагийн мэтгэлцээн өсөн нэмэгдэж буй феминист хөдөлгөөнд сөрөг нөлөө үзүүлж байгааг харуулжээ. Зарим нь эмэгтэйчүүдийг заналхийлсэнийг үл тоомсорлож, энэ үйл явдал нь нийтийн аюулгүй байдлын асуудал, бүлэглэлийн хүчирхийллийн аюулыг онцолсон гэж үзэж байна. Weibo мөн өөрийн платформ дээрх хэдэн зуун бүртгэлийг устгаж, хэрэглэгчдийг хүйс хоорондын дайсагналыг өдөөх гэж байна гэж буруутгажээ.

Хятадын засгийн газар аливаа бие даасан үйл ажиллагааг өөрийн хяналтад тулгарч болзошгүй сорилт гэж үздэг. Феминист идэвхтнүүдийг шүүхэд дуудаж, ял өгч, баривчилж байсан төрийн өмчит мэдээллийн хэрэгслүүд #MeToo хөдөлгөөнийг Хятадыг сулруулах гадны хэрэгсэл гэж тайлбарлаж байна.

Нэгдүгээр сард нэгэн эмэгтэйг овоохойд гинжлэгдсэн байдалтай олсны дараа олон нийтийн сүлжээгээр хүмүүс уурлаж бухимдсан ч албаныхан нэмэлт мэдээлэл авахыг хүссэн зарим хүмүүсийг саатуулж, цензурдсан. 

Мөн өнгөрсөн жил теннисчин Пэн Шуай улс төрийн өндөр албан тушаалтан асныг бэлгийн дарамт үзүүлсэн гэж буруутгасныхаа дараа алга болсон юм.

Б.Бүжлхамаа

www.nytimes.com