Манай улсад умайн хүзүүний хавдраар жил болгон 400-500 эмэгтэй өвчилж байна.
Өвчин хүндэрсэн шатанд оношлогдвол амьдрах хугацаа богино буюу хамгийн ихдээ тав хүртэлх жил байдаг байна.
Умайн хүзүүний хавдрын талаар Эх, Нярай Эмэгтэйчүүдийн Үндэсний Төвийн (ЭНЭҮТ) эмчилгээ эрхэлсэн дэд захирал Ж.Оюунцэцэг зөвлөгөөг хүргэж байна.
Тэрээр "Умайн хүзүү нь дүлий эрхтэн учраас шинж тэмдэггүй явсаар хавдар сүүлийн шатанд орох эрсдэлтэй. Дэлхий нийтэд зонхилон тохиолддог хавдрын 10 дугаарт умайн хүзүүний хавдар багтдаг. Харин манай улсад дөрөвт ордог. Энэ өвчнийг эрт үед нь илрүүлээгүй бол эмчилгээ хийх боломж бага, үхлийн хувь өндөртэй. Хамгийн гол нь эсийн өөрчлөлтийн үе буюу хөнгөн байхад нь эмчилбэл хавдар үүсэхээс урьдчилан сэргийлэх боломжтой.
Мөн хөхний хавдар нь ойр орчмын бусад эрхтэнд шилжиж халдварлах аюултай байдаг. Хөхний хавдартай болох шалтгаан
-
Хэт оройтож хүүхэд төрүүлэх
-
Жирэмснээс хамгаалах дааврын бэлдмэл удаан хэрэглэх
-
Дархлаа сул, амьдралын буруу хэвшилтэй байх зэрэг нь эрсдэлийг нэмэгдүүлдэг" гэлээ.
Умайн хүзүүний хорт хавдар дорой буурай орнуудад их байгаа бол хөхний хавдар өндөр хөгжилтэй орнуудад түгээмэл тохиолддог байна.
