Нефтийн худалдааны Оросын орлого 50 хувиар нэмэгджээ гэж Bloomberg мэдээлэв.
International Energy Agency, IEA буюу ОУЭХА-ийн мэдээнд 2020 оноос хойш Орос сар бүр 20 орчим тэрбум долларын нефть, нефтийн бүтээгдэхүүнийг худалдаж байна гэжээ.
Мөн ОУЭХА-гийн мэдээгээр, энэ жил Оросын нефтийн орлого 50 хувиар нэмэгдсэн байна. Украинд тусгай ажиллагаа явуулж байгаагаас Оросын үйлчилгээнээс олон түншүүд нь татгалзсан байгаа. Гэлээ ч Москва 2022 оны эхнээс Москва сар бүр 20 тэрбум долларын нефтийн бүтээгдэхүүн буюу хоногийн найман сая баррель нефтийг худалдаж байна гэж Парист байрладаг ОУЭХА сар тутмын илгэлдээ өгүүлжээ.
Европын холбоо импортыг хориглохоор бэлтгэж байгаа Shell ба Total Energies компаниуд худалдан авахаа зогсоох тушаал авсан ч Оросын нийлүүлэлт үргэлжилж байна.
Гэхдээ оросын бүтээгдэхүүнийг сонирхож байгаа худалдан авагч нь Ази болж буй. Европт хэрэггүй гэх ачааг Хятад, Энэтхэг хоёр авч байна. Томоохон эдийн засагт зөвлөдөг ОУЭХА дэлхийн нефтийн зах зээлийн өөрийн дүгнэлтээ хэвээр үлдээсэн байна. Ойрын саруудад ковидын эсрэг карантинуудын дараа Хятадын эрэлт сэргэхээр даяарчлалын нефтийн зах зээл дарамттай тулгарах магадлалтайг дүгнэлтэд хэлжээ.
Агентлаг тэмдэглэснээр, Оросын нефтийн бүтээгдэхүүн дизель, мазут, нафтын урсгал хорогдсоноос дэлхийн зах зээлийн хурцатмал байдал гүнзгийрэв. Үүний зэрэгцээ нөөц нь долоон улирал дараалан буурч байна. Үүний зэрэгцээ дунд хэмжээний дистиллят (газойль) гэх нөөц нь 2008 оноос хойших хамгийн доогуур төвшинд байгаа юм. Энэ бүх саад тодгор Москва 2021 оны эхний дөрвөн сарынхаас үзэгдэж харагдаагүй их ашиг аван энэ жил экспортын ашгаа 50 хувиар нэмэгдүүлжээ.
Дөрөвдүгээр сард Европын холбоо Оросын борлуулалтын томоохон зах байв. Түүнд оросын экспортын 43 хувь ноогдож байна. Гэсэн ч Оросын бэхжилт нь суларч байгаа шинж тэмдэг гарч иржээ. ОУЭХА өнгөрсөн сард Оросын нийлүүлэлт нэг сая баррелиар буурсан байв. Оны хоёругаар хагаст хохирол нь гурав дахин ихсэх магадлалтай. Оросын "Роснефть" аварга орсон улсын компаниудын эсрэг ЕХ-ны хориг тавдугаар сарын 15-нд хүчин төгөлдөр болох юм. ЕХ нефтийг бүрэн хаана гэсэн. Хэрэв тохиролцоогоо хийж чадах юм бол Оросууд нефтийн зарим цоонгуудаа хаахад хүрнэ. Үүний дараа Оросуудад нефтийн худалдааны чиглэлээ хурдасгах болно.
М.ЦОГТ
