МҮОХ-ны VIII чуулган Шангри-Ла зочид буудалд үргэлжилж байна.

Дөнгөж сая МҮОХ-ны Ерөнхийлөгчийн сонгууль явагдаж өндөрлөлөө.

Ерөнхийлөгчид гурван хүн нэрээ дэвшүүлсэн ч Монголын жүдо бөхийн холбооны ерөнхийлөгч Х.Баттулга нэрээ татаж буйгаа албан бичгээр мэдэгдсэн байна. Ингэснээр МҮОХ-ны Тэргүүн дэд ерөнхийлөгч, ОУОХ-ны гишүүн Б.Баттүшиг, Монголын биатлоны холбооны ерөнхийлөгч Э.Мөнх-Очир нар ерөнхийлөгчийн төлөө өрсөлджээ.

Санал хураалтад 180 төлөөлөгч оролцох ёстойгоос 165 нь саналаа өгч, ирц 91.6 хувьтай байв.

Дүн гарахад 151 хүн Б.Баттүшигт, 12 хүн Э.Мөнх-Очирт санал өгч, хоёр саналыг хүчингүйд тооцжээ. Ингэснээр Б.Баттүшиг 92 хувийн саналаар ялалт байгуулж, МҮОХ-ны 14 дэх Ерөнхийлөгчөөр сонгогдлоо.

Үргэлжлүүлэн Тэргүүн дэд болон Дэд ерөнхийлөгчийн санал хураалт явагдана. Тус хоёр албан тушаалд есөн хүн өрсөлдөхөөр нэрээ дэвшүүлээд байна.

Дэд ерөнхийлөгчид нэр дэвшигчид: 

Чимэддоржийн Амарсанаа (“Talk Talk English” боловсролын төвийн захирал)

Одсүрэнгийн Болд-Эрдэнэ (МУБИС-БТС-ийн багш, МЖЖХ)

Чойжгаваагийн Зоригтбаатар (МҮОА-ийн Ерөнхийлөгч, МХАХ-ны Ерөнхий нарийн бичгийн дарга)

Чойжгаваагийн Наранбаатар (МҮОХ-ийн Ерөнхийлөгчийн үүрэг гүйцэтгэгч Дэд ерөнхийлөгч)

Одончимэдийн Одбаяр (Монголын каноэгийн холбооны Ерөнхийлөгч)

Жүгдэрийн Отгонцагаан (МҮОХ-ны зөвлөх)

Цэндсүрэнгийн Сандуй (Монголын триатлоны холбооны Ерөнхийлөгч)

Сүхбаатарын Тулга (3×3 хөгжил хариуцсан захиарал)

Дамбадаржаагийн Энхбат (Монголын Таеквондогийн холбооны хүндэт Ерөнхийлөгч)