Хөдөлмөрийн баатар М.Уранцэцэг энэ сарын 15-ны өдөр жудо бөхөөс албан ёсоор зодог тайлж, UFC холбоонд тулалдах болсноо зарлалаа.
Монгол улсын жудо бөхийн спортын анхны дэлхийн аварга эмэгтэй жүдоч М.Уранцэцэг Хөдөлмөрийн баатар болсон найраа хийх үеэрээ энэ тухайгаа хэлжээ.
Тэрээр "Өнөөдөр би нэгэн чухал шийдвэрээ хэлэх гэж байна. Яг өнөөдөр жүдо бөхөөс зодог тайлж байна. Дахиж жүдо барилдахгүй. Ингэж хэлэхээр надад хэцүү байна. Бүхэл бүтэн 16 жил жүдо бөхөөр хичээллээд сайхан хамт олонтой боллоо. Үүнээс хойш холимог тулааны UFC холбоонд тулалдахаар болсон. Тун удахгүй та бүхэндээ аваргын бүсийг авч ирнэ гэж амлая" гэсэн юм.
Ийнхүү Монгол Улсын Хөдөлмөрийн Баатар, Монгол Улсын Гавьяат Тамирчин, Олимпийн хүрэл медальт, Дэлхийн аварга, Дэлхийн аваргын Мөнгө, Хошой хүрэл медальт, Гиннесийн амжилтыг эзэмшигч Мөнхбатын УРАНЦЭЦЭГ холимог тулааны UFC-д хүч үзэхээр болжээ.