УИХ-ын гишүүн Ц.Цэрэнпунцаг "Богд Зонхова" төслийн талаар өөрийн байр сууриа дахин илэрхийлжээ. 

Тэрээр Байнгын хорооны хуралдаан дээр салбарын сайдад хандан "хэл амнаас битгий ай" хэмээн хэлжээ. 

Энэ талаар УИХ-ын гишүүн Ц.Цэрэнпунцаг "Миний байр суурь доторхой. Энэ цар тахал цааш хэдэн жил үргэлжлэх вэ, бид мэдэхгүй байна. Цар тахлаас болоод бусад салбараа зогсоогоод байж болохгүй. Анхаарал тавьж ажиллах ёстой. Энэ үед улс орны амьдрал үргэлжилнэ. Эдийн засгийн бусад салбаруудаа ч бид анхаарах ёстой. Эдийн засгаа сэргээж байж ард түмний амьдрал сайжирна. "Богд Зонхова" төсөл долоон жилийн дотор өртгөө нөхөнө гэсэн бизнес төлөвлөгөөтэй юм билээ. Өвчин зовлон арилсны дараа жуулчид манайд ирнэ. Гандан хавиар жилд 300 мянган жуулчин очдог гэсэн судалгаа байгаа. Зардлаа нөхөх сайн төсөл гэдэг утгаар нь би хэлсэн. Өртөг зардлаа буцаагаад олох бүтээн байгуулалтад яагаад хөрөнгө оруулалт оруулж болохгүй гэж. Ашигтай хөрөнгө оруулалтад төсвийн мөнгийг зарцуулах ёстой. Барилгын асуудлыг хэн бариад байгааг мэдэхгүй, би зөвхөн төслийг санаачилсан. Энэ төсөл агаарын бохирдлыг бууруулахад ч ашиг тусаа өгч, шийдэж чадна гэж бодож байна. Давхар олон асуудлыг шийдэж байгаа төсөл. Төсөв болох 32 хоёр тэрбум төгрөгийг нийт хүн амдаа хуваабал нэг хүнээс 10 мянган төгрөг л ноогдож байна. Өнөөдөр 10 мянган төгрөгөөр өнөөдөр гайгүй ресторанаас хоол идэх үү" гэлээ.