Дэлхийн эрүүл мэндийн байгууллага "баруунаас зүүн тийш чиглэсэн ковидын шинэ хувилбарын давалгаа бүс нутгийг бүхэлд нь хамарч байна" гэж анхааруулав. Ойрын зургаагаас найман долоо хоногт Европ дахь хүмүүсийн талаас илүү хувь нь коронавирусийн омикрон хувилбараар халдварлаж магадгүй гэж НҮБ-ын агентлаг мэдэгдэв.
ДЭМБ-ын Европын бүсийн захирал доктор Ханс Клюге "2022 оны эхний долоо хоногт тус тивд ковидын долоон сая гаруй тохиолдол бүртгэгдсэн нь хоёр долоо хоногийн хугацаанд хоёр дахин нэмэгдлээ" гэж мягмар гаригт болсон хэвлэлийн бага хурал дээр мэдэгдэв.
Хамгийн сүүлийн үеийн давалгааг улирлын томуу шиг эмчлэхгүй байхыг анхааруулав, учир нь шинэ хувилбарын талаар, ялангуяа вакцинжуулалт багатай бүс нутагт өвчний хүнд байдлын талаар олон зүйл мэдэгдээгүй байгаа гэсэн юм.
Омикроны тархалт ялангуяа Баруун Европтой харьцуулахад вакцинжуулалтын түвшин харьцангуй доогуур байгаа Зүүн Европт ихээхэн түгшүүр төрүүлж магадгүй юм. Омикрон Балкан тивд өргөн тархаж эхэлж байна.
Халдвар өргөн тархсан хэдий ч Дани улсын мэдээлэл вакцин хэр үр дүнтэй хэвээр байгааг харуулж байна. Вакцин хийлгээгүй хүмүүсийн эмнэлэгт хэвтэх хувь нь "Зул сарын баяраар долоо хоногт бүрэн вакцин хийлгэсэн хүмүүсийнхээс зургаа дахин их байсан" гэж Эрүүл мэндийн газраас мэдээлэв.
Б.Бүжлхамаа
www.nytimes.com
