Эрүүл мэндийн яамнаас манай улсад коронавирусийн Омикрон хувилбар зөөвөрлөгдөн батлагдсан талаар мэдээллээ.
Энэ талаар ХӨСҮТ-ийн ерөнхий захирал Ц.Билэгсайхан “ХӨСҮТ болон ДЭМБ нь Австралийн сангийн дэмжлэгтэйгээр вирусийн бүрэн геномын дараалал тогтоох технологийг 2021 оны арванхоёрдугаар сард бүрэн нутагшуулсан байгаа. Хувилбарын тандалтын шинжилгээг бид PCR, NJS шинжилгээгээр хийдэг. Эдгээр тандалтаар альфа болон дельта, S генийн алдагдлыг тодорхойлдог юм.
ДЭМБ-аас Омикрон хувилбарыг сэжигтэй болон магадлалтай, батлагдсан тохиолдол гэж ангилж байгаа. Сэжигтэй гэдэг нь ойрын хавьтлууд магадлалтай гэдэг нь РCR-ын шинжилгээгээр S генийн алдагдалтай сорьцыг хийдэг.
Тэгвэл вирусийн геномыг тогтоох шинжилгээгээр нийт 12 сорьцод Омикрон хувилбар батлагдлаа. Тус сорьцууд Энхийг сахиулагчдаас 10 сорьц, Истанбул - Улаанбаатарын нислэгээс нэг, Бангкок-Улаанбаатарын нислэгээс нэг илэрсэн" гэлээ.
