Мэргэжлийн боксын IBO холбооны аварга асан, WBA холбоонд тоглодог "King Tug" хочит, МУГТ Н.Төгсцогт ээлжит тулаанаа энэ сарын 22-нд хийнэ.
Түр аваргын бүсийн төлөө Крис Колбертод ялагдаад байсан тэрбээр мөн түр аваргын бүсийн төлөө тулаанд ялагдсан АНУ-ын Виктор Пасильястай тулалдах юм.
Тулаан АНУ-ын Атлантик хотын "Borgata"-д болох бөгөөд ялсан нь аваргын бүсийн төлөө тулаан хийхэд ойртох юм.
"Vicious" хочит 29 настай Пасильяс нь мэргэжлийн боксын замналдаа 17 тулаан хийж, 16 ялсан бол Н.Төгсцогт 14 тулааныхаа хоёрт нь шүүгчийн саналаар ялагдсан юм.
