Ази, Номхон далайн бүс нутгийн дор хаяж дөрвөн улс эмийн бодис үйлдвэрлэгч Merck компанитай Ковид-19-ийн улмаас эмнэлэгт хэвтэх, нас барах эрсдлийг хоёр дахин бууруулж болзошгүй эм худалдаж авах гэрээ байгуулснаа зарлалаа.

Австрали, Малайз, Сингапур, Өмнөд Солонгос улсууд Ковидын эмчилгээний бэлдмэл болох молнупиравирыг худалдан авах гэрээгээ зарласан боловч тэдний зохицуулах байгууллагууд уг эмийг хараахан зөвшөөрөөгүй байгаа юм. 

Тайланд, Тайвань нар мөн эмийн бэлдмэлийг худалдан авахаар ярилцаж байгаа гэж мэдээлж байна.

Энэхүү мэдэгдэл нь эм үйлдвэрлэгч нь үр дүнтэй болохыг нь харуулсан эмнэлзүйн туршилтын үр дүнг гаргаснаас хойш долоо хоногийн дараа гарчээ. Эдгээр орнууд Зургадугаар сард 1.2 тэрбум доллараар 1.7 сая эмчилгээнд хангалттай хэмжээний эм худалдаж авсан АНУ-аас түрүүлж эмийг худалдаж авахыг зөвшөөрчээ.

Меркийн эмийг гэртээ ууж болох ба анхны ковид вирусын эсрэг эм бөгөөд ирээдүйн коронавирусийн дэгдэлтийг хязгаарлаж, эмнэлэгт хэвтэх зардлыг танана гэж үзэж байна.

Дэлхийн бусад хэсэгт ковидтой холбоотой: 

• Pfizer, BioNTech нар АНУ-ын эмийн зохицуулагчаас 5-11 насны хүүхдүүдэд вакцинаа яаралтай ашиглах зөвшөөрөл өгөхийг хүсчээ.

• Модерна Африкт вакцин үйлдвэрлэх үйлдвэр байгуулахаар төлөвлөж байгаагаа хэлээд тус компани нь эцэст нь жилд 500 сая хүртэл тун үйлдвэрлэх боломжтой гэж мэдэгджээ.

• Франц улс иргэдээ вакцинд хамруулахын тулд вакцин хийлгээгүй хүмүүсээс Ковидын шинжилгээний төлбөр авахаар болжээ.

Б.Бүжлхамаа

www.nytimes.com