Паралимпын наадмын жүдо бөхийн эмэгтэйчүүдийн +70 кг-д өчигдөр зодоглосон ОУХМ Н.Алтанцэцэг эхний барилдаанаа Казахстаны бөх Байбатинатай хийж ялагдсан ч дагах барилдаанд АНУ-ын бөх Дэвисийг цэвэр ялснаар хүрэл мeдалын төлөө барилдахаар болсон.
Азийн пара наадмын алт, хүрэл медальт тэрбээр медалийн төлөө ДАШТ-ий хүрэл медальт Бразилын Мег Эммерихтэй өрсөлдсөн. Н.Алтанцэцэг өмнө нь түүнтэй гурван удаа таарч, гурвууланд нь ялагдаж байжээ. Энэ удаа барилдаан эхлээд минут орчмын хугацаа өнгөрч байхад өрсөлдөгчийнхөө хөмрөх мэхэнд орж цэвэр ялагдлаа. Ийн Монголын гурван жүдочийн хоёр нь VII байр, нэг нь V байрт шалгарсан амжилтаар паралимпын наадмыг өндөрлүүлэв.
