Зуны 16 дахь удаагийн Паралимпын наадам Токио хотноо Наймдугаар сарын 24-нөөс Есдүгээр сарын 5-ны хооронд болно.

Манай улсын баг тамирчидын түрүүч өнөөдөр Токио хотыг зорилоо. 

Тус наадамд нийт 4400 орчим тамирчид 22 спортын 540 багц медалийн төлөө хурд хүч авхаалж самбаагаа сорих юм. 

Манай улсаас 11 тамирчин оролцохоор эрхээ авсан бөгөөд түүхэндээ хамгийн олон спортын төрөлд хамгийн олон тамирчнаа оруулсан паралимп гэдгээрээ онцлог бөгөөд гурван медаль горилж байгаа талаар БТСУХ-ны дарга Ц.Шаравжамц хэлсэн юм.

Паралимпын наадамд манай улсаас оролцох баг тамирчид:

1. Х.Энхтуяа (Пара тэеквондо)

2. Г.Болор-Эрдэнэ (Пара тэеквондо)

3. Э.Содномпилжээ (Пара поуэрлифтинг)

4. Н.Мөнхбаатар (Пара байт харваа)

5. Н.Сэлэнгээ (Пара байт харваа)

6. З.Ганбаатар (Пара буудлага)

7. Д.Саруултөгс (Хөнгөн атлетик)

8. П.Энх-Манлай (Хөнгөн атлетик)

9. А.Мөнхбат (Жүдо) нарын 11 тамирчин оролцоно.

Дашрамд, энэ удаагийн паралимпод дарвуулт завь, хөл бөмбөгийн оронд бадминтон, таеквондогийн төрлүүд шинээр нэмэгджээ.