Эрүүл мэндийн яамнаас коронавируст халдварын нөхцөл байдлын талаар мэдээллээ.
УОК-ын нарийн бичгийн дарга П.Баярхүү "Өнгөрсөн хоногт шинээр 2746 хүнээс халдвар илэрлээ. Ингээд нийт халдварын тохиолдол улсын хэмжээнд 88,516 болж нэмэгдэв.
Шинээр илэрсэн тохиолдлын 2,736 нь дотоодын халдвар, эмнэлгээс шалтгаалах 3, зөөвөрлөгдсөн 7 тохиолдол бүртгэгдлээ. Улаанбаатар хотод 1876, орон нутагт 860 батлагдсан байна.
Орон нутагт бүртгэгдсэн халдвараас Говь-Алтай аймагт хамгийн олон буюу 143 тохиолдол шинээр нэмэгджээ.
Өнгөрсөн хоногт нийт 2505 хүн эдгэрч, нийт эдгэрсэн хүний тоо 61,725 боллоо.
Халдварын улмаас одоогоор 10,758 хүн эмнэлэгт хэвтэн эмчлүүлж байгаагаас маш хүнд 193 хүн байна.
Эмнэлэгт хэвтэн эмчлүүлж байгаа хүмүүс дунд 470 жирэмсэн эх байгаа бол 2014 нь хүүхэд байгаа юм.
Мөн хугацаанд коронавируст халдварын улмаас 34-91 насны 11 хүн эндлээ. Талийгаачдын гэр бүл, төрөл төрөгсдөд гүн эмгэнэл илэрхийлье" гэв.
Хөнгөн хэлбэрээр өвчлөн гэртээ тусгаарлагдаж байгаа 15,899 хүнд Өрхийн эрүүл мэндийн төвөөс хяналт тавьж байна.
